ತೂಕದಲ್ಲಿ ತಂತ್ರ – ರೈತರ ಮೇಲೆ ದೋಚಾಟದ ಜಾಲ! ಖರೀದಿ ಕೇಂದ್ರದ ಅಕ್ರಮ ಬಯಲು!

ಕಡಲೆ ಖರೀದಿ ಕೇಂದ್ರದಲ್ಲಿ ಬ್ರಹ್ಮಾಂಡ ಭ್ರಷ್ಟಾಚಾರ!

50.600 ಕೆಜಿ ಬದಲು 51 ಕೆಜಿ – ರೈತರ ಮೇಲೆ ನಿಶ್ಶಬ್ದ ದಂಧೆ!

📍 ಸಿಂಧನೂರು ತಾಲ್ಲೂಕು | ತುರವಿಹಾಳ

ಕೇಂದ್ರ ಸರ್ಕಾರದ ಬೆಂಬಲ ಬೆಲೆ (MSP) ಯೋಜನೆಯಡಿಯಲ್ಲಿ ರೈತರಿಗೆ ಅನುಕೂಲವಾಗಲೆಂದು ತುರವಿಹಾಳ ಪಟ್ಟಣದಲ್ಲಿ ಆರಂಭಗೊಂಡಿರುವ ಕಡಲೆ ಖರೀದಿ ಕೇಂದ್ರವೇ ಇದೀಗ ರೈತರನ್ನೇ ಮೋಸಗೊಳಿಸುವ ಕೇಂದ್ರವಾಗಿ ಮಾರ್ಪಟ್ಟಿದೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ.

ತುರವಿಹಾಳ ಹಾಗೂ ಸುತ್ತಮುತ್ತಲಿನ ಹಳ್ಳಿಗಳ ರೈತರು ತಮ್ಮ ಕಡಲೆಯನ್ನು ಮಾರಾಟಕ್ಕೆ ತರುತ್ತಿದ್ದ ಸಂದರ್ಭದಲ್ಲಿ, ಸರ್ಕಾರದ ನಿಯಮ ಪ್ರಕಾರ ಒಂದು ಚೀಲಕ್ಕೆ 50 ಕೆಜಿ 600 ಗ್ರಾಂ ಮಾತ್ರ ತೂಕ ಪಡೆಯಬೇಕಿದ್ದರೂ, ಇಲ್ಲಿ 51 ಕೆಜಿ ರಿಂದ 51 ಕೆಜಿ 600 ಗ್ರಾಂ ವರೆಗೆ ಅಕ್ರಮವಾಗಿ ಹೆಚ್ಚುವರಿ ತೂಕ ವಸೂಲಿ ಮಾಡಲಾಗುತ್ತಿದೆ ಎಂಬುದು ಬೆಳಕಿಗೆ ಬಂದಿದೆ.

🟡 ಮಾಧ್ಯಮದ ಸ್ಟಿಂಗ್‌ನಲ್ಲಿ ಬಯಲು!

ರೈತರಿಂದ ಬಂದ ದೂರು ಆಧರಿಸಿ ನಮ್ಮ ಮಾಧ್ಯಮ ತಂಡ ಸ್ಥಳಕ್ಕೆ ಭೇಟಿ ನೀಡಿದಾಗ, ಆರೋಪ ಸತ್ಯವೆಂಬುದು ದೃಢಪಟ್ಟಿದೆ. ಪ್ರತಿಯೊಂದು ಚೀಲದಲ್ಲೂ 800 ಗ್ರಾಂದಿಂದ 1 ಕೆಜಿ ವರೆಗೆ ಹೆಚ್ಚುವರಿ ಕಡಲೆ ತೆಗೆದುಕೊಳ್ಳಲಾಗುತ್ತಿದೆ.

🟠 ಒಬ್ಬ ರೈತನಿಗೆ ಲಕ್ಷಾಂತರ ನಷ್ಟ!

ಒಂದು ಉದಾಹರಣೆ ನೋಡಿದರೆ ಈ ದಂಧೆಯ ಭೀಕರತೆ ಅರ್ಥವಾಗುತ್ತದೆ:

50 ಎಕರೆ ಜಮೀನಿನಲ್ಲಿ ಕಡಲೆ ಬೆಳೆದ ರೈತ

ಪ್ರತೀ ಎಕರೆಗೆ 4 ಕ್ವಿಂಟಲ್ → ಒಟ್ಟು 200 ಕ್ವಿಂಟಲ್

ಅಂದರೆ ಸುಮಾರು 400 ಚೀಲಗಳು

ಪ್ರತೀ ಚೀಲಕ್ಕೆ 1 ಕೆಜಿ ಹೆಚ್ಚುವರಿ → 400 ಕೆಜಿ ನಷ್ಟ

💰 ಒಂದು ಕೆಜಿಗೆ ₹58.75 ಅಂದರೆ:

👉 400 ಕೆಜಿ = ₹2300 ನಷ್ಟ!

ಇದು ಒಂದೇ ರೈತನ ಕಥೆ! ಇಂತಹ ನೂರಾರು ರೈತರಿಂದ ಲಕ್ಷಾಂತರ ರೂಪಾಯಿ ಕಣ್ಣಿಗೆ ಕಾಣದಂತೆ ಕಸಿದುಕೊಳ್ಳಲಾಗುತ್ತಿದೆ ಎಂಬುದು ಜನರ ಆಕ್ರೋಶ.

🔴 CEO ಯ ನಿರ್ಲಕ್ಷ್ಯ ಉತ್ತರ 

ಈ ಕುರಿತು ಚೌಡೇಶ್ವರಿ ರೈತ ಉತ್ಪಾದಕ ಕಂಪನಿ ಲಿಮಿಟೆಡ್‌ನ CEO ಚನ್ನಬಸವ ದೇಸಾಯಿ ಅವರನ್ನು ಪ್ರಶ್ನಿಸಿದಾಗ,

👉 "ಅದು ಏನು ಆಗಿದೆ ಬಿಡಿ ಬ್ರದರ್… 100 ಗ್ರಾಂ ಹೆಚ್ಚು ಕಡಿಮೆ ಆಗುತ್ತೆ… ನಮ್ಮವರು ಅಲ್ವಾ"

ಎಂಬ ಹಗುರ ಹಾಗೂ ಜವಾಬ್ದಾರಿಯಿಲ್ಲದ ಉತ್ತರ ನೀಡಿರುವುದು ರೈತರ ನೋವಿಗೆ ಉಪ್ಪು ಎರಚಿದಂತಾಗಿದೆ.

⚫ ರೈತರ ಕಣ್ಣೀರಿನ ಹಿಂದೆ ಯಾರು?

6–7 ತಿಂಗಳು ಕಷ್ಟಪಟ್ಟು, ಲಕ್ಷಾಂತರ ಹೂಡಿಕೆ ಮಾಡಿ ಬೆಳೆದ ಬೆಳೆ,

👉 ಒಂದು ಕೆಜಿ ಹೆಚ್ಚುವರಿ ತೂಕದ ಹೆಸರಿನಲ್ಲಿ ಕಸಿದುಕೊಳ್ಳುವುದು

👉 ಇದು ನೇರವಾಗಿ ರೈತರ ಶ್ರಮದ ದೋಚಾಟವಲ್ಲವೇ?

🔵 ಆಡಳಿತ ಮೌನ ಯಾಕೆ? – ಪ್ರಶ್ನೆಗಳ ಮಳೆ, ಉತ್ತರವೇ ಇಲ್ಲ!

ತಾಲೂಕು ಆಡಳಿತವಾಗಲಿ, ಜಿಲ್ಲಾ ಆಡಳಿತವಾಗಲಿ — ರೈತರ ಮೇಲೆ ಇಷ್ಟೊಂದು ಬಹಿರಂಗವಾಗಿ ನಡೆಯುತ್ತಿರುವ ಅಕ್ರಮದ ಬಗ್ಗೆ ಅವರಿಗೆ ಮಾಹಿತಿ ಇಲ್ಲವೇ?

ಅಥವಾ ಮಾಹಿತಿ ಇದ್ದರೂ ಉದ್ದೇಶಪೂರ್ವಕವಾಗಿ ಕಣ್ಮುಚ್ಚಿ ಕುಳಿತಿದೆಯೇ? ಎಂಬ ಗಂಭೀರ ಪ್ರಶ್ನೆಗಳು ಸಾರ್ವಜನಿಕ ವಲಯದಲ್ಲಿ ಕೇಳಿಬರುತ್ತಿವೆ.

ಪ್ರತಿ ದಿನ ನೂರಾರು ರೈತರು ತಮ್ಮ ಬೆಳೆಗಳನ್ನು ಈ ಖರೀದಿ ಕೇಂದ್ರಕ್ಕೆ ತರುತ್ತಿದ್ದಾರೆ. ತೂಕದ ಅಕ್ರಮವೂ ಒಂದು ದಿನದ ವಿಷಯವಲ್ಲ — ನಿರಂತರವಾಗಿ ನಡೆಯುತ್ತಿರುವ ದಂಧೆ ಎಂಬ ಆರೋಪ ಇದೆ. ಹೀಗಿದ್ದರೂ ಸಂಬಂಧಪಟ್ಟ ಅಧಿಕಾರಿಗಳು ಯಾವುದೇ ಪರಿಶೀಲನೆ ನಡೆಸದೇ ಇರುವುದೇ ಅನುಮಾನಕ್ಕೆ ಕಾರಣವಾಗಿದೆ.

👉 ಖರೀದಿ ಕೇಂದ್ರಕ್ಕೆ ನಿಯಮಿತವಾಗಿ ಅಧಿಕಾರಿಗಳ ಭೇಟಿ ನಡೆಯುತ್ತಿದೆಯೇ?

👉 ತೂಕ ಯಂತ್ರಗಳ ಪರಿಶೀಲನೆ ಆಗುತ್ತಿದೆಯೇ?

👉 ರೈತರ ದೂರುಗಳನ್ನು ಸ್ವೀಕರಿಸಿ ತನಿಖೆ ನಡೆಸುವ ವ್ಯವಸ್ಥೆಯೇ ಇಲ್ಲವೇ?

ಇಂತಹ ಪ್ರಶ್ನೆಗಳು ರೈತರ ಮನಸ್ಸಿನಲ್ಲಿ ಕಿಡಿ ಹಚ್ಚುತ್ತಿವೆ.

ಇನ್ನೂ ಗಂಭೀರ ಸಂಗತಿ ಎಂದರೆ, ಇಂತಹ ಅಕ್ರಮಗಳು ಸಾಮಾನ್ಯವಾಗಿ ಅಧಿಕಾರಿಗಳ ಗಮನಕ್ಕೆ ಬಾರದಿರುವುದೇ ಕಷ್ಟ. ಆದ್ದರಿಂದಲೇ, “ಇದು ಅಧಿಕಾರಿಗಳ ನಿರ್ಲಕ್ಷ್ಯವೇ? ಅಥವಾ ಯಾರಾದರೂ ಪ್ರಭಾವಿಗಳ ಒತ್ತಡದಿಂದ ಮೌನವೇ?” ಎಂಬ ಅನುಮಾನಗಳು ಗಟ್ಟಿಯಾಗುತ್ತಿವೆ.

ರೈತರು ಕಷ್ಟಪಟ್ಟು ಬೆಳೆದ ಬೆಳೆಗೆ ನ್ಯಾಯ ಸಿಗಬೇಕಾದಲ್ಲಿ, ಇದೇ ಆಡಳಿತ ಮೌನದಿಂದ ಅನ್ಯಾಯವಾಗುತ್ತಿರುವುದು ವಿಷಾದಕರ.

ಈ ಮೌನ ಮುಂದುವರಿದರೆ, ಅದು ಕೇವಲ ನಿರ್ಲಕ್ಷ್ಯವಲ್ಲ — ಭ್ರಷ್ಟಾಚಾರಕ್ಕೆ ಮೌನ ಸಮರ್ಥನೆ ಎನ್ನುವ ಮಾತು ಕೇಳಿಬರುವ ದಿನ ದೂರದಲ್ಲಿಲ್ಲ.

👉 ಈಗಾದರೂ ಮೇಲಾಧಿಕಾರಿಗಳು ಎಚ್ಚೆತ್ತುಕೊಂಡು, ತಕ್ಷಣ ತನಿಖೆ ನಡೆಸಿ, ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವರೇ?

ಅಥವಾ ರೈತರ ನೋವು ಹೀಗೆಲೇ ಮುಂದುವರಿಯುತ್ತದೆಯೇ?

ಇದು ಕೇವಲ ಪ್ರಶ್ನೆಯಲ್ಲ… ರೈತರ ನ್ಯಾಯಕ್ಕಾಗಿ ಹೊರಹೊಮ್ಮುತ್ತಿರುವ ಕೂಗು!

🟥 ತಕ್ಷಣ ಕ್ರಮಕ್ಕೆ ಆಗ್ರಹ

👉 ಸಂಬಂಧಪಟ್ಟ ಅಧಿಕಾರಿಗಳು ತಕ್ಷಣ ಸ್ಥಳಕ್ಕೆ ಭೇಟಿ ನೀಡಿ

👉 ಅಕ್ರಮ ತೂಕ ವಸೂಲಿ ಮಾಡುತ್ತಿರುವವರ ವಿರುದ್ಧ ಪ್ರಕರಣ ದಾಖಲಿಸಿ

👉 ರೈತರಿಗೆ ನ್ಯಾಯ ಒದಗಿಸಬೇಕು

ಎಂದು ರೈತರು ಹಾಗೂ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

✍️ ಸಾರಾಂಶ:

“ಒಂದು ಕೆಜಿ ಅಷ್ಟೇ” ಎನ್ನುವ ನಿರ್ಲಕ್ಷ್ಯವೇ ರೈತನಿಗೆ ಸಾವಿರಾರು ರೂಪಾಯಿ ನಷ್ಟ ತಂದೊಡ್ಡುತ್ತಿದೆ.ಇದು ಸಣ್ಣ ತಪ್ಪಲ್ಲ – ಸಂಘಟಿತ ಭ್ರಷ್ಟಾಚಾರ