ಏಪ್ರಿಲ್ 19.ರಾಜ್ಯದಾದ್ಯಂತ ನಡೆಯುತ್ತಿರುವ ವಿಧಾನಸಭೆಯ ಚುನಾವಣೆಯ ಕಾರ್ಯನಿಮಿತ್ತ ಆಗಮಿಸಿದ ಭಾರತೀಯ ಪ್ಯಾರಾ ಮಿಲಿಟರಿ ಪಡೆಗಳಲ್ಲಿ ಒಂದಾದ CRPF ಯೋಧರಿಗೆ ಮಸ್ಕಿ ನಗರಕ್ಕೆ ಅದ್ದೂರಿಯಾಗಿ ಸ್ವಾಗತವನ್ನು ಅಭಿನಂದನ್ ಸಂಸ್ಥೆಯ ವತಿಯಿಂದ ಆಯೋಜನೆ ಮಾಡಲಾಯಿತು. ಚುನಾವಣೆಯ ನಿಮಿತ್ತ ಮಿಲಿಟರಿ ರೂಟ್ ಮಾರ್ಚ್ ಅನ್ನು ನಡೆಸಲಾಯಿತು. ಮಸ್ಕಿ ಪೊಲೀಸ್ ಠಾಣೆಯ ಪಿಎಸ್ಐ ಸಿದ್ರಾಮ್ ಬಿದರಾಣಿ ಅವರ ಸಲಹೆಯ ಮೇರೆಗೆ ಈ ರೂಟ್ ಮಾರ್ಚಲ್ಲಿ ಅಭಿನಂದನ್ ಸ್ಪೂರ್ತಿಧಾಮದ ಮಕ್ಕಳ ಕೈಯಿಂದ ವೀರ ಯೋಧರಿಗೆ ಪುಷ್ಪಾರ್ಪಣೆ ಮಾಡುವ ಮೂಲಕ ಮತ್ತು ಅವರು ಚಲಿಸುವ ಮಾರ್ಗದ ಹೂಗಳನ್ನು ಚೆಲುವ ಮೂಲಕ ದೇಶ ಕಾಯುವ ಸೈನಿಕರಿಗೆ ಸಣ್ಣ ಗೌರವವನ್ನು ಅರ್ಪಿಸಲಾಯಿತು.
ಈ ಗೌರವಾರ್ಪಣೆ ಕಾರ್ಯ
ವನ್ನು ಅಭಿನಂದನೆ ಸಂಸ್ಥೆಯ ಸಂಸ್ಥಾಪಕರಾದ ರಾಮಣ್ಣ ಹಂಪರಗುಂದಿ ಅವರ ನೇತೃತ್ವದಲ್ಲಿ ನಡೆಸಲಾಯಿತು. ಈ ಸಂದರ್ಭದಲ್ಲಿ ಅಭಿನಂದನ ಸಂಸ್ಥೆಯ ಎಲ್ಲಾ ಪದಾಧಿಕಾರಿಗಳು ಮತ್ತು ಅಭಿನಂದನ್ ಸ್ಪೂರ್ತಿಧಾಮದ ಮಕ್ಕಳು ಹಾಗೂ ಮಸ್ಕಿಯ ನಾಗರಿಕರು ಉಪಸ್ಥಿತರಿದ್ದರು.
