ಮಸ್ಕಿ : ತಾಲೂಕಿನ ತಲೇಖಾನ್ ಗ್ರಾಮ ಪಂಚಾಯತಿ ವ್ಯಾಪ್ತಿಯ ವಿವಿಧೆಡೆ ಮಹಾತ್ಮ ಗಾಂಧೀ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿ ಕೈಗೊಂಡಿರುವ ವಿವಿಧ ಕಾಮಗಾರಿಗಳನ್ನು ಜಿಲ್ಲಾ ಪಂಚಾಯತಿಯ ಯೋಜನಾ ನಿರ್ದೇಶಕರಾದ ಶರಣ ಬಸವ ಅವರು ಪರಿಶೀಲಿಸಿದರು.ತಲೇಖಾನ್ ಗ್ರಾಪಂಯ ದೇಸಾಯಿ ಭೋಗಾಪುರ ತಾಂಡಾ,ಕಿರಣ್ಯನ ತಾಂಡಾ,ಹಡಗಲಿ ವೇಣಪ್ಪನ ತಾಂಡಾ,ಯರದೊಡ್ಡಿ ತಾಂಡಾದಲ್ಲಿ ಕೈಗೊಂಡ ಸಿಸಿ ರಸ್ತೆ,ಹಳ್ಳಕ್ಕೆ ನಿರ್ಮಿಸಿದ ಸೇತುವೆ,ತಲೇಖಾನ್ ಗ್ರಾಮದ ಪ್ರೌಢಶಾಲೆಯ ಆಟದ ಮೈದಾನ,ಭೋಜನಾಲಯ,ಮೆಟ್ಲಿಂಗ್ ರಸ್ತೆ ಪರಿಶೀಲಿಸಿದರು.
ಇದೇ ಸಂದರ್ಭದಲ್ಲಿ ತಾ.ಪಂ. ಕಾರ್ಯನಿರ್ವಾಹಕ ಅಧಿಕಾರಿಗಳಾದ ಅಮರೇಶ ಯಾದವ್,ತಾಂತ್ರಿಕ ಸಹಾಯಕ ಅಭಿಯಂತರರಾದ ಸೋಮಶೇಖರ್,ಪಂಪಣ್ಣ,ಗ್ರಾಪಂ ಸಿಬ್ಬಂದಿ ಶರಣಬಸವ,ಗ್ರಾಪಂ ಸದಸ್ಯರು ಇತರರಿದ್ದರು.
ವರದಿ : ಎಚ್.ಕೆ.ಬಡಿಗೇರ್
