ಲಿಂಗಸುಗೂರು ತಾಲೂಕಿನ ಮುದಗಲ್ ಪೊಲೀಸ್ ಠಾಣೆ ವ್ಯಾಪ್ತಿಯ ಕೋಮನೂರು ಗ್ರಾಮದಲ್ಲಿ ತಾಯಿ ಹಾಗೂ ಎರಡು ವರ್ಷದ ಮಗಳು ಕಾಣೆಯಾಗಿರುವ ಘಟನೆ ವರದಿಯಾಗಿದೆ.
ಕೋಮನೂರು ಗ್ರಾಮದ ಹೊಳಿಯಮ್ಮ (35), ಗಂಡ ಯಮನೂರಪ್ಪ ಪೂಜಾರಿ ಹಾಗೂ ಅವರ 2 ವರ್ಷದ ಮಗಳು ಗಂಗಮ್ಮ (ತಂದೆ: ಯಮನೂರಪ್ಪ ಪೂಜಾರಿ) ಕಾಣೆಯಾಗಿದ್ದಾರೆ. ಈ ಸಂಬಂಧ ಮುದಗಲ್ ಪೊಲೀಸ್ ಠಾಣೆಯಲ್ಲಿ ಗುನ್ನೆ ಸಂಖ್ಯೆ 150/2025 ಕಲಂ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.
ದೂರುದಾರ ಯಮನೂರಪ್ಪ ತಂದೆ ಲಕ್ಕಪ್ಪ ಪೂಜಾರಿ ಅವರ ಮಾಹಿತಿ ಪ್ರಕಾರ, ದಿನಾಂಕ 05-10-2025ರಂದು ಬೆಳಿಗ್ಗೆ 6 ಗಂಟೆಗೆ ಅವರು ಮುದಗಲ್ ಸಂತೆಗೆ ಕುರಿ ಸಂತೆಗಾಗಿ ತೆರಳಿದ್ದರು. ಸಂತೆ ಮುಗಿಸಿ ಮಧ್ಯಾಹ್ನ ಸುಮಾರು 12 ಗಂಟೆಗೆ ಮನೆಗೆ ಹಿಂತಿರುಗಿದಾಗ ಮನೆಯಲ್ಲಿದ್ದ ಹೆಂಡತಿ ಹಾಗೂ ಮಗಳು ಕಾಣೆಯಾಗಿದ್ದರು. ಮನೆಯಲ್ಲಿದ್ದ ಮಗನನ್ನು ವಿಚಾರಿಸಿದಾಗ, “ಅವ್ವ ಕೋಡಿಹಾಳ ಆಸ್ಪತ್ರೆಗೆ ಹೋಗುತ್ತೇನೆ ಎಂದು ಹೇಳಿ ಹೋದಳು” ಎಂದು ತಿಳಿಸಿದ್ದಾನೆ.
ಆ ಬಳಿಕ ಸಂಬಂಧಿಕರು ಹಾಗೂ ಕುಟುಂಬಸ್ಥರು ರೋಡಲಬಂಡ, ಕಮಲದಿನ್ನಿ, ತೊಂಡಿಹಾಳ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವ್ಯಾಪಕವಾಗಿ ಹುಡುಕಾಟ ನಡೆಸಿದರೂ, ತಾಯಿ ಹಾಗೂ ಮಗಳು ಪತ್ತೆಯಾಗಿಲ್ಲ. ಈ ಹಿನ್ನೆಲೆಯಲ್ಲಿ ಯಮನೂರಪ್ಪ ಅವರು 12-10-2025ರಂದು ಮುದಗಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಕಾಣೆಯಾದ ಮಹಿಳೆ ಹಾಗೂ ಎರಡು ವರ್ಷದ ಮಗುವಿನ ಕುರಿತು ಯಾರಿಗಾದರೂ ಮಾಹಿತಿ ದೊರೆತಲ್ಲಿ ತಕ್ಷಣ ಮುದಗಲ್ ಪೊಲೀಸ್ ಠಾಣೆಯನ್ನು ಸಂಪರ್ಕಿಸುವಂತೆ ಪೊಲೀಸರು ಸಾರ್ವಜನಿಕರಿಗೆ ಮನವಿ ಮಾಡಿದ್ದಾರೆ.
ಸಂಪರ್ಕ ಸಂಖ್ಯೆ:
📞 ಮುದಗಲ್ ಪೊಲೀಸ್ ಠಾಣೆ: 08537-280536
📱 ಪಿಎಸ್ಐ: 9480803857
📱 ಮಸ್ಕಿ ವೃತ್ತ ಸಿಪಿಐ: 9480803834
📱 ಲಿಂಗಸುಗೂರು ಡಿಎಸ್ಪಿ: 9480803821
ಈ ಕುರಿತು ಮುದಗಲ್ ಪೊಲೀಸ್ ಠಾಣೆಯ ಆರಕ್ಷಕ ನಿರೀಕ್ಷಕರು ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದಾರೆ.
