ಅಂಗನವಾಡಿ ಕಾರ್ಯಕರ್ತೆಯರನ್ನು ಸರ್ಕಾರಿ ನೌಕರರೆಂದು ಪರಿಗಣಿಸಲು ಒತ್ತಾಯ

ಮಸ್ಕಿ : ಅಂಗನವಾಡಿ ಕಾರ್ಯಕರ್ತೆಯರನ್ನು ಸಿ ದರ್ಜೆ ಹಾಗೂ ಸಹಾಯಕಿಯರನ್ನು ಡಿ ದರ್ಜೆ ನೌಕರರನ್ನು ಪರಿಗಣಿಸಿ ಸರ್ಕಾರದಿಂದ ಬರುವ ಸೌಲಭ್ಯಗಳನ್ನು ಒದಗಿಸಬೇಕೆಂದು ಆಗ್ರಹಿಸಿ ಅಂಗನವಾಡಿ ನೌಕರರ ಸಂಘದ ಪದಾಧಿಕಾರಿಗಳು ಸಹಾಯಕ ಆಯುಕ್ತರ ಮುಖಾಂತರ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಸಚಿವರಿಗೆ ಮನವಿ ಸಲ್ಲಿಸಿದರು.
ಅಂಗನವಾಡಿ ಕಾರ್ಯಕರ್ತೆಯರನ್ನು ಸಿ ದರ್ಜೆ ಹಾಗೂ ಸಹಾಯಕಿಯರನ್ನು ಡಿ.ದರ್ಜೆ ನೌಕರರೆಂದು ಪರಿಗಣಿಸುವಂತೆ ಅನೇಕ ವರ್ಷಗಳಿಂದ ಹೋರಾಟ ಮಾಡುತ್ತಿದ್ದರೂ ಇದುವರಿಗೂ ಸರ್ಕಾರ ಸ್ಪಂದಿಸುತ್ತಿಲ್ಲ,ಕೂಡಲೇ ಸರ್ಕಾರಿ ನೌಕರರೆಂದು ಪರಿಗಣಿಸಿ ಸರ್ಕಾರದಿಂದ ಬರುವ ಸೌಲಭ್ಯಗಳನ್ನು ಒದಗಿಸಬೇಕೆಂದು ಆಗ್ರಹಿಸಿದರು.

ಅಂಗನವಾಡಿ ಕಾರ್ಯಕರ್ತೆಯರ ಅಕ್ಟೋಬರ್ 2024ರ ಗೌರವಧನ ಬಿಡುಗಡೆ ಮಾಡಬೇಕು.ಮುಂಗಡ ರಸೀದಿ ಪಡೆದ ಎರಡು ಸಾವಿರ ರೂಪಾಯಿಗಳನ್ನು ಬಿಡುಗಡೆ ಮಾಡಬೇಕು.
ವರ್ಷ ಕಳೆದರೂ ಬಿಡುಗಡೆಯಾಗದ ಮಾತೃವಂದನಾ ಹಣ.
2023ರ ಏಪ್ರಿಲ್ ತಿಂಗಳಿಂದ ಇಲ್ಲಿವರಿಗೂ ಮಾತೃ ವಂದನಾ ಪ್ರೋತ್ಸಾಹಧನ ಬಿಡುಗಡೆ ಮಾಡಬೇಕು. ಸೆಪ್ಟೆಂಬ‌ರ್ ಮತ್ತು ಅಕ್ಟೋಬ‌ರ್ ತಿಂಗಳ ಮೊಟ್ಟೆ ಖರೀದಿ ಹಣ ಬಿಡುಗಡೆ ಮಾಡಬೇಕು.



ಬೇರೆ ಕೇಂದ್ರಗಳಲ್ಲಿ ಪ್ರಭಾರಿಯಾಗಿ ಕರ್ತವ್ಯ ನಿರ್ವಹಿಸಿದವರಿಗೆ ಪ್ರೋತ್ಸಾಹ ಧನ ಬಿಡುಗಡೆ ಮಾಡಬೇಕು,ವೃತ್ತಗಳವಾರು ಮೇಲ್ವಿಚಾರಕರನ್ನು ಬದಲಾವಣೆ ಮಾಡಿ ಆಡಳಿತ ಸುಧಾರಣೆ ಮಾಡಬೇಕು.
ಹಾಗೂ ನಿವೃತ್ತಿಯಾದ ಅಂಗನವಾಡಿ ಕಾರ್ಯಕರ್ತರ ಹಾಗೂ ಸಹಾಯಕಿಯರ ಎನ್ ಎಸ್ ಹಣ,ಇಡಿಗಂಟು,ಮರಣ ಪರಿಹಾರ ಬಿಡುಗಡೆ ಮಾಡಬೇಕು,ಅಂಗನವಾಡಿ ಸಹಾಯಕರಿಗೆ ಸೇವಾ ಜೇಷ್ಠತಾ ಆಧಾರದ ಪ್ರಕಾರ ಅರ್ಹತೆವುಳ್ಳ ಸಹಾಯಕಿಯರಿಗೆ ಅಂಗನವಾಡಿ ಖಾಲಿ ಇರುವ ಸ್ಥಳಗಳಿಗೆ ಮುಂಬಡ್ತಿ ನೀಡಬೇಕು.ಲಿಂಗಸುಗೂರು ತಾಲೂಕು ಕೇಂದ್ರ ಸ್ಥಾನದಲ್ಲಿ 2005ನೇ ಸಾಲಿನಿಂದ ನಿರ್ಮಾಣ ಮಾಡುವಲ್ಲಿ ಅತ್ಯಂತ ವಿಳಂಭವಾಗಿರುವ ಬಾಲಭವನ ಕೂಡಲೇ ನಿರ್ಮಾಣ ಮಾಡಬೇಕು,2017ರಿಂದ ನೆನೆಗುದಿಗೆ ಬಿದ್ದಿರುವ ಇಲಾಖೆಯ ಕಚೇರಿ ಮತ್ತು ಸ್ತ್ರೀಶಕ್ತಿ ಭವನ ಕೂಡಲೇ ನಿರ್ಮಾಣ ಮಾಡಬೇಕು,1993ರ ಇಲಾಖೆ ಕಟ್ಟಡವಾದ ಮಹಿಳಾ ಒಕ್ಕೂಟದ ಕಟ್ಟಡವನ್ನು ಪಶು ಆಸ್ಪತ್ರೆಯ ಆವರಣದಲ್ಲಿ ಅದನ್ನು ಇಲಾಖೆ ಅಧೀನಕ್ಕೆ ಪಡೆಯಬೇಕು.

https://youtu.be/dxkerMEDRjk?si=H63bh9-pOQDL1gnK

ಖಾಲಿ ಹುದ್ದೆಗಳ ಭರ್ತಿ ಮಾಡಿ
ರಾಯಚೂರು ಜಿಲ್ಲೆಯ ಹಲವಾರು ತಾಲೂಕುಗಳಲ್ಲಿ ಅರ್ಜಿ ಕರೆದಿದ್ದು ಮಸ್ಕಿ ಹಾಗೂ ಲಿಂಗಸುಗೂರು ತಾಲೂಕಿನಲ್ಲಿ ಖಾಲಿ ಇರುವ ಅಂಗನವಾಡಿ ಕಾರ್ಯಕರ್ತೆ ಹಾಗೂ ಸಹಾಯಕಿಯರ ಹುದ್ದೆಗಳನ್ನು ಕೂಡಲೇ ನೇಮಕಾತಿ ಮಾಡಿಕೊಳ್ಳಲು ಅರ್ಜಿಗಳನ್ನು ಕರೆದು ಉದ್ಯೋಗ ಆಕಾಂಕ್ಷಿಗಳಿಗೆ ಅನುಕೂಲ ಮಾಡಿಕೊಡಬೇಕು.
ಪ್ರಚಾರಕ್ಕೆ ಸೀಮಿತಗೊಳಿಸಿದ ವೇತನ ಹೆಚ್ಚಳ.
2023ರ ಫೆಬ್ರುವರಿಯಲ್ಲಿ ಅಂದಿನ ಸಿಎಂ ಬಸವರಾಜ ಬೊಮ್ಮಾಯಿ ಅವರು ಅಂಗನವಾಡಿ ನೌಕರರ ವೇತನ ಹೆಚ್ಚಳ ಮಾಡಿದ್ದಾರೆ ಹಾಗೂ ಜುಲೈ 2023ರ ರಂದು ಸಿಎಂ ಸಿದ್ಧರಾಮಯ್ಯ ಹೆಚ್ಚಳಗೊಳಿಸಿದ ವೇತನ ಪ್ರಚಾರಕ್ಕೆ ಮಾತ್ರ ಸೀಮಿತಗೊಳಿಸಿದೆ ಅದನ್ನು ಬೇಗನೆ ಬಿಡುಗಡೆಗೊಳಿಸಬೇಕು.
ಇನ್ನೂ ನಿವೃತ್ತಿಯಾದ ಅಂಗನವಾಡಿ ಕಾರ್ಯಕರ್ತೆ ಹಾಗೂ ಸಹಾಯಕಿಯರಿಗೆ ಗ್ರಾಚುವಿಟಿ ಹಣ ಕೂಡಲೇ ಬಿಡುಗಡೆ ಮಾಡಬೇಕು,ಕಾರ್ಯಕರ್ತೆಯರಿಗೆ ಮೇಲ್ವಿಚಾರಕಿ ಹುದ್ದೆಗೆ ಬಡ್ತಿ ನೀಡಬೇಕು,ಸಹಾಯಕರಿಗೆ ಕಾರ್ಯಕರ್ತೆ ಹುದ್ದೆಗೆ ಮುಂಬಡ್ತಿ ನೀಡಬೇಕೆಂದು ಆಗ್ರಹಿಸಿದರು.
ಇದೇ ಸಂದರ್ಭದಲ್ಲಿ ಅಂಗನವಾಡಿ ನೌಕರರ ಸಂಘದ ಅಧ್ಯಕ್ಷ ಸರಸ್ವತಿ ಈಚನಾಳ,ರಜೀಯಾಬೇಗಂ,ಗದ್ದೆಮ್ಮ,ಸರಸ್ವತಿ,ಸರೋಜಮ್ಮ,ರೇಣುಕಮ್ಮ,ರೇಹಾನ ಸುಲ್ತಾನಬೀ,ಹೋರಾಟಗಾರದ ರಮೇಶ ವೀರಾಪುರ,ಮಲ್ಲನಗೌಡ ಹಾಗೂ ಇನ್ನಿತರಿದ್ದರು.